နေပြည်တော် မှာ သိန်း ၃၀ဝ ဝန်းကျင် မြေကွက်အချို့ အရောင်းသွက်နေ
- Get link
- X
- Other Apps
နေပြည်တော် မှာ သိန်း ၃၀ဝ ဝန်းကျင် မြေကွက်အချို့ အရောင်းသွက်နေ
ဝယ်တဲ့သူတွေက အဆောက်အအုံပါတာမပါတာသိပ်မကြည့်ဘူး၊ မြေနေရာကိုပဲ အဓိကကြည့်တယ်၊ လမ်းသာတဲ့နေရာလေးတွေဆို ပိုကြိုက်ကြတာပေါ့၊ တချို့ဆို ပျဉ်ထောင်အိမ်နှစ်ထပ်လေးတွေတော့ ပါတဲ့ဟာပါတယ်လို့ အောင်ဆုပန်အိမ်ခြံမြေအကျိုးဆောင်လုပ်ငန်းမှ ဒေါ်အေးနန်းစိုးက ပြောပါတယ်။
ကျပ်သိန်း ၃၀ဝဝန်းကျင်ရှိမြေကွက်တွေကတော့များသောအားဖြင့် ပေ ၆၀ ပတ်လည် မြေကွက်တွေဖြစ်ပြီး အရောင်းအဝယ်အများဆုံးဖြစ်တာက ဥတ္တရသီရိ မြို့နယ်၊ ဒက္ခိဏသီရိမြို့နယ်နဲ့ ဇမ္ဗူသီရိ မြို့နယ်တို့ဖြစ်တယ်လို့သိရပါတယ်။ အခုလို သည်မြို့နယ်တွေမှာ ကျပ်သိန်း ၃၀ဝ တန်မြေ ကွက်တွေ အရောင်းအဝယ်ဖြစ်နေပေမဲ့လည်း သည်လိုမြေကွက်မျိုးတွေကို လူနေထူထပ်တဲ့နေရာတွေနဲ့ လမ်းသာတဲ့နေရာတွေ တော်တော်များများ ကျန်ရှိနေသေးတဲ့အတွက် ဝယ်ယူသူတွေအနေနဲ့ ရွေးချယ်ခွင့်ရနိုင်သေးတယ်လို့လည်း သိရပါတယ်။
ပေါင်းလောင်းဘက်တွေလဲမဆိုးပါဘူး၊ မြေကွက်လေးတွေ သူ့ဟာနဲ့သူဖြစ်ပါတယ်၊ ၃၀ဝ တန်လေးတွေလဲဖြစ်ပါတယ်၊ အငှားကတော့ တစ်သိန်း ကျော်၊ သုံးသိန်းဝန်းကျင်တန်တွေလောက်ပဲဖြစ်တာပါလို့ ရွှေလက်ပံအိမ်ခြံမြေ အကျိုးဆောင်လုပ်ငန်းမှ ဦးကျော်စွာမြင့်က ပြောပါတယ်။နေပြည်တော်ရဲ့ အိမ်ခြံမြေဈေးကွက် အနေအထားဟာ သည်နှစ်ထဲမှာအရောင်းအဝယ်ရော အငှားပါပုံမှန်ဖြစ်နေပေမဲ့လည်း ဈေးနှုန်းအနေနဲ့ကတော့ မနှစ်ကထက် အနည်းငယ်အေးနေတယ်လို့သိရပါတယ်။ အခုရက်ပိုင်းအရောင်းအဝယ်ဖြစ်နေတဲ့ သိန်း ၃၀ဝ ဝန်းကျင်ရှိ မြေကွက်အမျိုးအစားတွေဟာလည်း ပြီးခဲ့တဲ့နှစ်က သည်ဈေးဝန်းကျင်လောက်သာရှိနေခဲ့ကြတယ်လို့ သိရပါတယ်။
Credit: Kumudra
- Get link
- X
- Other Apps
Comments
Post a Comment